သင်တန်းဆရာများ

Licence to Stir သင်ရိုးသည် အိမ်အကူအဖြစ် အလုပ်အကိုင်ကျွမ်းကျင်မှုနှင့် လက်တွေ့ အတွေ့အကြုံ ရှိထားသူများ သို့မဟုတ် ဘာသာရပ်ကျွမ်းကျင်သူများက သင်တန်းတက်ရောက်သူများ (သင်တန်းသားများ) အတွက် သင်ခန်းစာများ သင်ကြားနိုင်အောင် အားဖြည့်ပေးထားပါသည်။ သင်တန်းဆရာ မှတ်စုများမှာ အဆင့်အလိုက် ညွှန်ကြားချက်များ ဖြစ်ပြီး သင်တန်းဆရာက သတင်းအချက်အလက်များကို လက်ဆင့်ကမ်းခြင်း၊ အဓိက နည်းစနစ်များ သို့မဟုတ် အပြုအမူများကို သရုပ်ပြခြင်း၊ အဖွဲ့လိုက် လှုပ်ရှားမှုများကို ဦးဆောင်ခြင်း၊ အဖွဲ့လိုက် ဆွေးနွေးမှုများနှင့် သင်တန်းသားများ၏
ပါဝငေ် ဆာင်ရွက်မှုများကို ဦးစီးဆောင်ရွက်ပေးခြင်းစသည့် အခန်းကဏ္ဍမှ ပါဝင်ပါသည်။ သင်တန်းဆရာများသည် သင်ယူမှု အကဲဖြတ် စစ်ဆေးခြင်း (သင်တန်းသား၏ တိုးတက်မှုအခြေအနေ စစ်ဆေးခြင်း) ကို ဆောင်ရွက်ရန်နှင့် ရယူစုဆောင်းထားရန်လည်း တာဝန်ရှိပါသည်။

သင်ရိုးဖွဲ့စည်းမှုနှင့် သင်ကြားမှု

Licence to Stir သင်ရိုးသည် ၅ ပတ်တာ အနီးကပ်ပုံစံ သင်ကြားရန် ရေးဆွဲထားပြီး သီတင်းပတ် တစ်ခုနှင့် တစ်ခုအကြား နားချိန် ၁ ရက်မှ ၂ ရက် ရှိပါသည်။ သင်ခန်းစာ အစီအစဉ်မှာ သင်တန်းသား၏ အသိပညာနှင့် ကျွမ်းကျင်မှုများ အဆင့်ဆင့်တိုးတက်လာအောင် ပေါင်း စည်းပေးနိုင်ရန် ရည်ရွယ်ထားပါသည်။

စီမံကိန်း အကျဉ်းချုပ်

Licence to Stir သင်ရိုးသည် Three Good Spoons Limited နှင့် မြန်မာနိုင်ငံရှိ အပြည်ပြည်ဆိုင်ရာ အလုပ်သမား အဖွဲ့တို့အကြား “မြန်မာနိုင်ငံတွင် ပြည်တွင်း၊ ပြည်ပ အလုပ်သမား ရွှေ့ပြောင်းမှုများ ကြီးကြပ်ရေး” ဟုအမည်ရသည့် ပိုမိုကျယ်ပြန့်သော ILO စီမံကိန်းတွင် တစ်စိတ်တစ်ပိုင်းအဖြစ် ပူးပေါင်းဆောင်ရွက်မှုအနေနှင့် အကောင်အထည် ဖော်ထားပါသည်။ ပိုမိုကျယ်ပြန့်သော ဤစီမံကိန်းကို စားဝတ်နေရေးနှင့် အစားအသောက် အန္တရာယ်ကင်းရှင်းရေး ရန်ပုံငွေအဖွဲ့ (Livelihood and Food Security Trust Fund (LIFT)) က ရန်ပုံငွေ ထောက်ပံ့ပါသည်။ ILO စီမံကိန်းအကြောင်း အသေးစိတ်အချက်အလက်များကို  https://www.ilo.org/yangon/projects တွင် ကြည့်ရှုနိုင်ပါသည်။

Three Good Spoons Limited သည် အိမ်အကူများအတွက် သင့်လျော်ကောင်းမွန်သော အလုပ်အကိုင် ရရှိအောင် လှုံ့ဆော်ကြိုးပမ်းသည့် ရန်ကုန်မြို့ အခြေစိုက် အကျိုးအမြတ်အတွက်မဟုတ်သော အချက်အပြုတ် သင်တန်းကျောင်း ဖြစ်ပါသည်။ Good Spoons Limited သည် မြန်မာအမျိုးသမီးများနှင့် ပိုမိုကျယ်ပြန့်သော အသိုင်းအဝိုင်းအတွက် ကျန်းမာရေးနှင့် စားဝတ်နေရေး အခြေအနေများ ပိုမိုကောင်းမွန်လာအောင် လှုံ့ဆော် ကြိုးပမ်းရန် အာဟာရ၊ တစ်ကိုယ်ရေ ကျန်းမာရေးနှင့် အိမ်တွင်းအချက်အပြုတ်ဆိုင်ရာ အသိပညာနှင့် ကျွမ်းကျင်မှုများ ဖြည့်ဆည်းပေးရန် အဓိကထားဆောင်ရွက်ပါသည်။

Three Good Spoons သည် အိမ်အကူများအတွက် မျှတသောလုပ်ခနှင့် မျှတသော လုပ်ငန်းခွင် အခြေအနေများ ရရှိစေမည့်အချက်များကို ပိုမိုနားလည်အောင်လည်း ကြိုးပမ်းပါသည်။ Three Good Spoons သည် Licence to Stir သင်ရိုးသာမက အိမ်အကူများနှင့် အလုပ်ရှင် မိသားစုများက သင့်လျော်ကောင်းမွန်သော အလုပ်အကိုင် စည်းမျဉ်း များကို ကျင့်သုံးနိုင်အောင် လက်တွေ့ အရင်းအမြစ်များ ပေးထားသည့် သင့်လျော်ကောင်းမွန်သော အလုပ်အကိုင် နည်းစနစ်များကို ရေးဆွဲပြီး ဖြန့်ချိနိုင်ရန်အတွက်လည်း ILO နှင့်အတူ ပူးပေါင်းဆောင်ရွက်နေပါသည်။ Three Good Spoons အကြောင်း နောက်ထပ် အချက်အလက်များကို Good Practice Guide တွင် ကြည့်ရှုနိုင် ပါသည်။